Ispaniya terma jamoasi bosh murabbiyi Luis Enrike o‘z jamoasini JCH bosh sovrini uchun asosiy da’vogarlardan biri deb hisoblamayapti.
Mutaxassis avvalroq turnir favoritlari haqida gapirib, Argentina va Braziliya terma jamoalarini alohida tilga olib o‘tgan edi va shundan buyon o‘sha fikrini o‘zgartirmagan:
“Argentina va Braziliya hamisha asosiy favoritlar qatorida bo‘lib qoladi. Ammo Fransiya va Angliya g‘alaba qozona olmaydi, deyishga kimdir jur’at etadimi? Biroq dunyoning eng kuchli jamoalari haqidagi savolga jamoalarning so‘nggi oylardagi natijalari eng yaxshi javob beradi”, deydi Enrike Millatlar ligasi doirasida Portugaliyaga qarshi o‘yin oldidan o‘tkazilgan matbuot anjumanida.
