Испания терма жамоаси бош мураббийи Луис Энрике ўз жамоасини ЖЧ бош соврини учун асосий даъвогарлардан бири деб ҳисобламаяпти.

Мутахассис аввалроқ турнир фаворитлари ҳақида гапириб, Аргентина ва Бразилия терма жамоаларини алоҳида тилга олиб ўтган эди ва шундан буён ўша фикрини ўзгартирмаган:

“Аргентина ва Бразилия ҳамиша асосий фаворитлар қаторида бўлиб қолади. Аммо Франция ва Англия ғалаба қозона олмайди, дейишга кимдир журъат этадими? Бироқ дунёнинг энг кучли жамоалари ҳақидаги саволга жамоаларнинг сўнгги ойлардаги натижалари энг яхши жавоб беради”, дейди Энрике Миллатлар лигаси доирасида Португалияга қарши ўйин олдидан ўтказилган матбуот анжуманида.