"Manchester Siti" yarim himoyachisi Ilkay Gyundogan Qatarda bo‘lib o‘tadigan Jahon chempionati haqida fikr bildirdi. Yarim himoyachi Germaniya terma jamoasi tarkibida JCHga borishi mumkin.
“Xalqaro tanaffusda biz o‘ylaganimizdan butunlay boshqacha harakat qildik. Bu, ayniqsa, Vengriyaga qarshi o‘yinga tegishli. Angliya bilan biz 20 daqiqa ichida eng yuqori saviyada o‘ynay olishimizni ko‘rsatdik, ammo Jahon chempionatida xato qilishga haqqimiz yo‘q” - dedi Gyundogan Millatlar ligasida Angliya bilan o‘yindan keyin bergan intervyusida.
Gyundogan joriy mavsumda “Manchester Siti” safida APLning 7ta o‘yinida maydonga tushib, 2ta gol va bitta golli uzatmaga mualliflik qilgan.
