"Манчестер Сити" ярим ҳимоячиси Илкай Гюндоган Қатарда бўлиб ўтадиган Жаҳон чемпионати ҳақида фикр билдирди. Ярим ҳимоячи Германия терма жамоаси таркибида ЖЧга бориши мумкин.
“Халқаро танаффусда биз ўйлаганимиздан бутунлай бошқача ҳаракат қилдик. Бу, айниқса, Венгрияга қарши ўйинга тегишли. Англия билан биз 20 дақиқа ичида энг юқори савияда ўйнай олишимизни кўрсатдик, аммо Жаҳон чемпионатида хато қилишга ҳаққимиз йўқ” - деди Гюндоган Миллатлар лигасида Англия билан ўйиндан кейин берган интервьюсида.
Гюндоган жорий мавсумда “Манчестер Сити” сафида АПЛнинг 7та ўйинида майдонга тушиб, 2та гол ва битта голли узатмага муаллифлик қилган.
