"PSJ" va Braziliya terma jamoasi hujumchisi Neymar terma jamoada urilgan gollar bo‘yicha Peleni ortda qoldirmoqchi ekanligini aytdi.
“Jamoadoshlarimga menga yordam berishlarini aytaman. Men Braziliya terma jamoasi safida gol urish bo‘yicha Pele rekordini yangilamoqchiman", - deya Neymardan iqtibos keltiradi Telefoot.
30 yoshli forvard 2010 yilda asosiy terma jamoada debyut qilgan. Neymar braziliyaliklar safida jami 120 ta o‘yin o‘tkazgan.
Pele 77 ta gol bilan Braziliya terma jamoasi tarixidagi eng yaxshi to‘purar hisoblanadi. Neymarda terma jamoa safida 74 ta gol bor.
