Kecha tunda Argentina terma jamoasi Yamayka terma jamoasi bilan o‘rtoqlik uchrashuvi o‘tkazdi. O‘yin Janubiy amerikaliklarning 3:0 hisobidagi yirik g‘alabasi bilan yakunlandi.
"Albiseleste" tarkibida hujumchi Lionel Messi ikkita gol urdi. 35 yoshli hujumchi ikkinchi bo‘limning 87 va 89-daqiqalarida raqib darvozasiga aniq zarba berdi.
Shu tariqa, Messi hisobida mamlakat terma jamoasi futbolkasida 90 ta gol bo‘ldi. Xalqaro miqyosda urilgan gollar soni bo‘yicha Lionel ikki futbolchi – eronlik Ali Dai (109) va portugaliyalik Krishtianu Ronaldudan (117) ortda qolmoqda.
Messi Argentina terma jamoasi safida 164 ta o‘yin o‘tkazgan.
