Кеча тунда Аргентина терма жамоаси Ямайка терма жамоаси билан ўртоқлик учрашуви ўтказди. Ўйин Жанубий америкаликларнинг 3:0 ҳисобидаги йирик ғалабаси билан якунланди.
"Альбиселесте" таркибида ҳужумчи Лионел Месси иккита гол урди. 35 ёшли ҳужумчи иккинчи бўлимнинг 87 ва 89-дақиқаларида рақиб дарвозасига аниқ зарба берди.
Шу тариқа, Месси ҳисобида мамлакат терма жамоаси футболкасида 90 та гол бўлди. Халқаро миқёсда урилган голлар сони бўйича Лионел икки футболчи – эронлик Али Даи (109) ва португалиялик Криштиану Роналдудан (117) ортда қолмоқда.
Месси Аргентина терма жамоаси сафида 164 та ўйин ўтказган.
