Italiyaning “Milan” klubi Rafael Leauga yangi shartnoma taklif qiladi. Portugaliyalik bonuslarni hisobga olmaganda, mavsum uchun 6 million yevro oladi. Futbolchining Londonning "Chelsi" yoki "Manchester Siti" klubiga o‘tishidan cho‘chigan klub rahbariyati shunday qarorga kelgani haqida Football Italia xabar bermoqda.
23 yoshli futbolchining shartnomasi 2024 yilning iyunigacha mo‘ljallangan.
"Milan" o‘tgan yili yiliga 4 million yevro evaziga shartnoma tuzgan bo‘lishi mumkin edi, biroq klubning Italiya chempionatidagi g‘alabasi va ingliz jamoalarining futbolchiga qiziqishi tufayli bu narx 7 million yevroga ko‘tarildi.
Leau 2019 yilda Fransiyaning “Lill” klubidan 29,5 million yevroga sotib olingandi. Ayni paytda futbolchi “rossonerilar” safida 123 ta o‘yinda maydonga tushib, 30 ta gol urdi va 27 ta golli uzatmani amalga oshirdi.
