Италиянинг “Милан” клуби Рафаэль Леауга янги шартнома таклиф қилади. Португалиялик бонусларни ҳисобга олмаганда, мавсум учун 6 миллион евро олади. Футболчининг Лондоннинг "Челси" ёки "Манчестер Сити" клубига ўтишидан чўчиган клуб раҳбарияти шундай қарорга келгани ҳақида Football Italia хабар бермоқда.
23 ёшли футболчининг шартномаси 2024 йилнинг июнигача мўлжалланган.
"Милан" ўтган йили йилига 4 миллион евро эвазига шартнома тузган бўлиши мумкин эди, бироқ клубнинг Италия чемпионатидаги ғалабаси ва инглиз жамоаларининг футболчига қизиқиши туфайли бу нарх 7 миллион еврога кўтарилди.
Леау 2019 йилда Франциянинг “Лилл” клубидан 29,5 миллион еврога сотиб олинганди. Айни пайтда футболчи “россонерилар” сафида 123 та ўйинда майдонга тушиб, 30 та гол урди ва 27 та голли узатмани амалга оширди.
