Turkiyaning “Istanbul Bashakshehir” klubi yarim himoyachisi Mesut O‘zil operasiya tufayli uch oyga yaqin maydonga tusha olmaydi. Bu haqda klub prezidenti Go‘ksel Gumyushdag‘ ma’lum qildi.
"O‘zildek futbolchining mavjudligi biz uchun katta baxt. Biroq, Mesutning belida anchadan beri muammolar bor edi. Shu boisdan u joriy mavsumda atigi 10-15 daqiqa maydonda o‘tkazdi. Muammoni hal qilish uchun operasiya o‘tkazish to‘g‘risida qaror qabul qilindi. Mesut shundan keyin taxminan uch oy davomida bizga yordam bermaydi. Keyin esa g‘alabalarimizga katta hissa qo‘shadi, deb o‘ylayman. O‘zil bizning faxrimiz", - deya Gumyushdag‘ so‘zlarini keltiradi Fanatik.
Mesut joriy mavsumda 21 daqiqani maydonda o‘tkazdi.
