Туркиянинг “Истанбул Башакшеҳир” клуби ярим ҳимоячиси Месут Ўзил операция туфайли уч ойга яқин майдонга туша олмайди. Бу ҳақда клуб президенти Гўксел Гумюшдағ маълум қилди.
"Ўзилдек футболчининг мавжудлиги биз учун катта бахт. Бироқ, Месутнинг белида анчадан бери муаммолар бор эди. Шу боисдан у жорий мавсумда атиги 10-15 дақиқа майдонда ўтказди. Муаммони ҳал қилиш учун операция ўтказиш тўғрисида қарор қабул қилинди. Месут шундан кейин тахминан уч ой давомида бизга ёрдам бермайди. Кейин эса ғалабаларимизга катта ҳисса қўшади, деб ўйлайман. Ўзил бизнинг фахримиз", - дея Гумюшдағ сўзларини келтиради Фанатик.
Месут жорий мавсумда 21 дақиқани майдонда ўтказди.
