"Manchester Siti" yarim himoyachisi Ilkay Gyundogan kelajagi borasida hali bir qarorga kelmagan. Jurnalist Martin Blekbernning so‘zlariga ko‘ra, futbolchi keyingi mavsumni qayerda boshlashini hali хal qilmagan.
Eslatib o‘tamiz, mavsum yakunida Gyundoganning "Manchester Siti" bilan shartnomasi tugaydi. Oldinroq yarim himoyachi o‘z klubini tekinga tark etish niyatida ekani haqida xabarlar tarqalgan edi, biroq manbaga ko‘ra, Ilkay kelajagi borasida hali qaror qabul qilmagan.
Gyundogan joriy mavsum “Manchester Siti” safida 2 ta gol urdi va bitta golli uzatmani amalga oshirdi. Futbolchi 2016 yilning yozida Dortmundning "Borussiya" klubidan ko‘chib o‘tgan edi.
