"Манчестер Сити" ярим ҳимоячиси Илкай Гюндоган келажаги борасида ҳали бир қарорга келмаган. Журналист Мартин Блэкберннинг сўзларига кўра, футболчи кейинги мавсумни қаерда бошлашини ҳали ҳал қилмаган.
Эслатиб ўтамиз, мавсум якунида Гюндоганнинг "Манчестер Сити" билан шартномаси тугайди. Олдинроқ ярим ҳимоячи ўз клубини текинга тарк этиш ниятида экани ҳақида хабарлар тарқалган эди, бироқ манбага кўра, Илкай келажаги борасида ҳали қарор қабул қилмаган.
Гюндоган жорий мавсум “Манчестер Сити” сафида 2 та гол урди ва битта голли узатмани амалга оширди. Футболчи 2016 йилнинг ёзида Дортмунднинг "Боруссия" клубидан кўчиб ўтган эди.
