Transfermarkt portali Madridning "Real" klubi bir qator futbolchilarining narxlari haqida ma’lumot berdi.

Unga ko‘ra, Eden Azarning bozor qiymati pasayishda davom etmoqda. Hozirda belgiyalik futbolchi 12 million yevroga baholanmoqda - bu uning professional faoliyati boshlanganidan beri eng past ko‘rsatkichlardan biri.

Azar eng yuqori cho‘qqiga 2018 yilda erishgan, o‘shanda Eden Premyer-liganing eng yaxshi futbolchilaridan biri bo‘lgan va uning bozor qiymati 150 million yevroga baholangan. Ma’lum bo‘lishicha, yarim himoyachining narxi 92 foizga arzonlashgan.

Ajablanarlisi shundaki, Toni Kroos ham narxi sezilarli darajada tushib ketgan "Real Madrid" futbolchilari ro‘yxatidan joy oldi. Nemisning qiymati 75 foizga pasaygan (2018 yildagi 80 million yevro o‘rniga 20 million yevro).

Dani Karvaxal (60 million yevro o‘rniga 18 million yevro) to‘rt yil ichida bozor qiymatining 70 foizini yo‘qotdi.

Mariano Dias va Alvaro Odriosola jamoadoshlari bilan bir qayiqda. Marianoning narxi hozir 4 million yevro, hujumchi faoliyatining cho‘qqisiga chiqqan "Lion"da uning narxi 22 million yevroga baholangan. Odriosolaning narxi 66 foizga kamaydi, hozir uning narxi 10 million yevro, 2018 yilda Alvaro 30 million yevroga teng edi.