"Atletiko" "Manchester Yunayted" va Ispaniya terma jamoasi darvozaboni David de Xeaga qiziqmoqda, deya xabar beradi 90Min.
Manbaning xabariga ko‘ra, ispan klubi darvozabonni kelasi yozda, uning mankunianliklar bilan shartnomasi yakunlanganda o‘z safiga qo‘shib olish imkoniyatini ko‘rib chiqmoqda. "Manchester Yunayted" kelishuvni avtomatik ravishda 2024 yilning yoziga qadar uzaytirishi mumkin, biroq ispaniyalikning maoshi yuqori bo‘lgani uchun klub bu imkoniyatdan foydalanmasligi mumkin.
31 yoshli De Xea joriy mavsumda “Manchester Yunayted” safida 8 ta o‘yinda maydonga tushib, 9 ta gol o‘tkazib yubordi.