"Атлетико" "Манчестер Юнайтед" ва Испания терма жамоаси дарвозабони Давид де Хеага қизиқмоқда, дея хабар беради 90Min.
Манбанинг хабарига кўра, испан клуби дарвозабонни келаси ёзда, унинг манкунианликлар билан шартномаси якунланганда ўз сафига қўшиб олиш имкониятини кўриб чиқмоқда. "Манчестер Юнайтед" келишувни автоматик равишда 2024 йилнинг ёзига қадар узайтириши мумкин, бироқ испанияликнинг маоши юқори бўлгани учун клуб бу имкониятдан фойдаланмаслиги мумкин.
31 ёшли Де Хеа жорий мавсумда “Манчестер Юнайтед” сафида 8 та ўйинда майдонга тушиб, 9 та гол ўтказиб юборди.
