Karlo Anchelotti Karim Benzema "Osasuna"ga qarshi o‘yinda maydonga tushishini ma’lum qildi.
Fransiyalik futbolchi 6 sentyabr kuni bo‘lib o‘tgan Chempionlar ligasi guruh bosqichidan o‘rin olgan “Real” – “Seltik” (3:0) uchrashuvida jarohat olgan edi. O‘sha o‘yinda Karim 30-daqiqada almashtirilgandi. O‘shandan beri u maydonga tushmadi.
"Benzema juda yaxshi, u asosiy tarkibda maydonga tushadi. Uning jismoniy holati juda yaxshi. Menimcha, u ajoyib formada. U o‘ynaydi" - Anchelotti.
Karimning jarohat oldidan so‘nggi o‘yinlardagi yomon formasi haqida:
"U oxirgi o‘yinlarda o‘ynamagani uchun gol ura olmadi. Men Karimda g‘alati narsa ko‘rmayapman. U juda yaxshi, u juda yaxshi mashq qildi. Karim har doimgidek.
Ko‘ramiz, Karim bu davrdan keyin odatdagidek o‘ynaydimi. U ajoyib futbolchi”, - dedi "Real" bosh murabbiyi.
La Liganing 7-turidan o‘rin olgan "Real" - "Osasuna" uchrashuvi ertaga, 2 oktyabr kuni Toshkent vaqti bilan 00:00 da boshlanadi.
