Карло Анчелотти Карим Бензема "Осасуна"га қарши ўйинда майдонга тушишини маълум қилди.

Франциялик футболчи 6 сентябрь куни бўлиб ўтган Чемпионлар лигаси гуруҳ босқичидан ўрин олган “Реал” – “Селтик” (3:0) учрашувида жароҳат олган эди. Ўша ўйинда Карим 30-дақиқада алмаштирилганди. Ўшандан бери у майдонга тушмади.

"Бензема жуда яхши, у асосий таркибда майдонга тушади. Унинг жисмоний ҳолати жуда яхши. Менимча, у ажойиб формада. У ўйнайди" - Анчелотти.

Каримнинг жароҳат олдидан сўнгги ўйинлардаги ёмон формаси ҳақида:

"У охирги ўйинларда ўйнамагани учун гол ура олмади. Мен Каримда ғалати нарса кўрмаяпман. У жуда яхши, у жуда яхши машқ қилди. Карим ҳар доимгидек.

Кўрамиз, Карим бу даврдан кейин одатдагидек ўйнайдими. У ажойиб футболчи”, - деди "Реал" бош мураббийи.

Ла Лиганинг 7-туридан ўрин олган "Реал" - "Осасуна" учрашуви эртага, 2 октябрь куни Тошкент вақти билан 00:00 да бошланади.