O‘FA ishchi guruhi qurilish va rekonstruksiya ishlari olib borilayotgan “Bunyodkor” stadionidagi jarayonlarni o‘rgandi.

Maydon maysasi butunlay yangilanayotgan “Bunyodkor” stadioni loyihasining texnik-tashkiliy jarayonlari ko‘zdan kechirildi.

Ob’ektni xalqaro standartlar asosida sifatli bunyod etish, chimlarni saqlash va parvarishlash, hududga mos chim urug‘larini tanlash va kerakli qurilmalarni tashkil etish yuzasidan topshiriqlar berildi.

Shuningdek, kelgusidagi mahalliy va xalqaro musobaqalar oldi maydonni to‘liq shay holatga keltirish hamda infratuzilmadan o‘rin oladigan keyingi rejalar muhokama qilindi.

Ma’lumot uchun, mazkur stadionda 2023 yilda yurtimizda bo‘lib o‘tadigan U-20 Osiyo kubogi musobaqasining ochilish va final uchrashuvi bo‘lib o‘tishi rejalashtirilgan.