"Brayton" yarim himoyachisi Leandro Trossard "Liverpul"ga qarshi o‘yinda (3:3) xet-trik qayd etdi.

Belgiyalik futbolchi Angliya chempionatining 9-tur uchrashuvini 4, 17 va 83-daqiqalarida gol urdi.

Unga qadar “Enfild”dagi APL o‘yinida bor-yo‘g‘i ikki futbolchi – Andrey Arshavin (“Arsenal” tarkibida 4 ta gol) va Peter Ndlov (“Koventri” tarkibida 3 ta gol) o‘yinida uchta gol urishga muvaffaq bo‘lgandi.

Trossard joriy mavsumda Premyer-liganing 6 ta o‘yinida 5 ta gol va 1 ta golli uzatmaga mualliflik qildi.