Angliya Premyer-ligasi 9-tur uchrashuvida Londonning “Vest Xem” jamoasi “Vulverxempton” darvozasiga javobsiz ikkita gol urib, mavsumdagi ikkinchi g‘alabasini qo‘lga kiritdi. Shotlandiyalik bosh murabbiyi Devid Moyes futbolchilarining muvaffaqiyati haqida shunday fikr bildirdi:
"Juda yaxshi. Har doim ham omadimiz kelmasdi, ba’zida bahsli qarorlar tufayli yutqazib qo‘ydik. Bugun mag‘lubiyatga uchragan boshqa o‘yinlardagidek yaxshi o‘ynamagan bo‘lsak-da, barchasi foydamizga edi. Skamakka ajoyib o‘ynadi, lekin u hali Premyer-ligaga tayyor emas, shuning uchun men uni almashtirdim. Biz undan juda mamnunmiz", - deydi Moyes.
Keyingi turda "Vest Xem" "Fulxem" bilan uy uchrashuvida to‘qnash keladi, bu o‘yin 9 oktyabr kuni bo‘lib o‘tadi.
