Англия Премьер-лигаси 9-тур учрашувида Лондоннинг “Вест Хэм” жамоаси “Вулверхэмптон” дарвозасига жавобсиз иккита гол уриб, мавсумдаги иккинчи ғалабасини қўлга киритди. Шотландиялик бош мураббийи Дэвид Мойес футболчиларининг муваффақияти ҳақида шундай фикр билдирди:
"Жуда яхши. Ҳар доим ҳам омадимиз келмасди, баъзида баҳсли қарорлар туфайли ютқазиб қўйдик. Бугун мағлубиятга учраган бошқа ўйинлардагидек яхши ўйнамаган бўлсак-да, барчаси фойдамизга эди. Скамакка ажойиб ўйнади, лекин у ҳали Премьер-лигага тайёр эмас, шунинг учун мен уни алмаштирдим. Биз ундан жуда мамнунмиз", - дейди Мойес.
Кейинги турда "Вест Хэм" "Фулхэм" билан уй учрашувида тўқнаш келади, бу ўйин 9 октябрь куни бўлиб ўтади.