Madridning “Real” klubi bosh murabbiyi Karlo Anchelotti Ispaniya chempionatining 7-turidan o‘rin olgan “Osasuna”ga (1:1) qarshi o‘yin natijasini sarhisob qildi.
“Biz uchun bu eng yaxshi kun emas edi, lekin biz g‘alaba qozonishga haqli edik. Men penalti tepuvchini o‘zgartirish haqida o‘yladim, lekin Benzema o‘tgan mavsumda ikkita eng muhim penaltini golga aylantirdi, u jamoamizdagi eng yaxshi penaltichi. Tarkib juda yaxshi edi. O‘yin biz xohlagandek o‘tmadi. Ammo penaltidan gol urganimizda baribir g‘alaba qozonishimiz mumkin edi. Biroq, jamoa yaxshi o‘ynadi. Bunday uchrashuvlar chempionat vaqtida bo‘lib turadi.
Bizning juda yaxshi seriyamiz tugadi, ammo endi biz boshqasini boshlamoqchimiz. "Real Madrid" g‘alaba qozonmasa, hech qachon xursand bo‘lmaydi. Durang bizni xafa qiladi, lekin biz bunga munosabat bildiramiz", — dedi Anchelotti.
"Osasuna"ga qarshi o‘yin yakunida Karim Benzema penaltini aniq amalga oshira olmadi.
