«Yuventus» bosh murabbiyi Massimilliano Allegri Italiya A seriyasining 8-turi doirasida bo‘lib o‘tgan «Bolonya»ga qarshi o‘yin (3:0) borasida o‘z fikrini bildirib o‘tdi.

«Birinchi bo‘limdagi ayrim vaziyatlarni inobatga olmaganda, menga o‘yinchilarning intilishi va uyushqoqligi yoqdi. Ba’zida o‘yin tempini tushirishga va to‘pni ko‘proq nazorat qilishga to‘g‘ri keldi. Yigitlar yaxshi o‘yin namoyish etishdi, ammo biz o‘zimizni yo‘qotib qo‘yishimiz kerak emas. Chunki Chempionlar ligasi va A seriya jadvalida ortda qolyapmiz.

Bir oy g‘alabasiz o‘yinlardan keyin ilk daqiqalardanoq hujumga o‘tishimizni kutgan bo‘lishingiz mumkin, ammo buning o‘rniga biz sabr bilan harakat qildik.

Ya vaziyatga real qarayman. Hozirda hisobimizda 13 ochko bor. Qolganlar esa 17 va 20 ochkoga ega. Qadamba-qadam harakatlanamiz. Oldimizga qo‘yilgan vazifani yaxshi bajarsak, o‘tgan mavsumda bo‘lganidek yetakchilarga yetib olishimiz mumkin. Ammo barchasini birdaniga bajara olmaymiz. Bizda Chempionlar ligasi o‘yinlari ham bor», — dedi Allegri.