"Chelsi" hamon "Leypsig" yarim himoyachisi Kristofer Nkunkuni sotib olish rejasini ko‘rib chiqmoqda. "Ko‘klar" fransiyalik futbolchi uchun 60 million yevro to‘lashga tayyor, ammo bu summani pasaytirmoqchi. Bu haqda jurnalist Fabrisio Romano tvitterda xabar berdi.
24 yoshli Nkunku o‘tgan mavsumda Bundesliganing 34 o‘yinida 20 gol va 15 golga assistentlik qilgan. U liganing eng yaxshi futbolchisi deb topildi. Nkunku joriy mavsumda barcha musobaqalarda 12 ta o‘yinda 8 ta gol urdi va golli uzatmani amalga oshirdi. Tomonlar o‘rtasidagi kelishuv 2026 yilda yakuniga yetadi.
Avvalroq, yarim himoyachi ingliz jamoasi uchun tibbiy ko‘rikdan o‘tgani haqida xabar berilgandi.