"Челси" ҳамон "Лейпциг" ярим ҳимоячиси Кристофер Нкункуни сотиб олиш режасини кўриб чиқмоқда. "Кўклар" франциялик футболчи учун 60 миллион евро тўлашга тайёр, аммо бу суммани пасайтирмоқчи. Бу ҳақда журналист Фабрицио Романо твиттерда хабар берди.
24 ёшли Нкунку ўтган мавсумда Бундеслиганинг 34 ўйинида 20 гол ва 15 голга ассистентлик қилган. У лиганинг энг яхши футболчиси деб топилди. Нкунку жорий мавсумда барча мусобақаларда 12 та ўйинда 8 та гол урди ва голли узатмани амалга оширди. Томонлар ўртасидаги келишув 2026 йилда якунига етади.
Аввалроқ, ярим ҳимоячи инглиз жамоаси учун тиббий кўрикдан ўтгани ҳақида хабар берилганди.