"Milan" va "Yuventus" himoya chizig‘ini ikki futbolchi bilan mustahkamlashdan manfaatdor. Gap "Spesiya"dan Yakub Kivyor va Frankfurtning "Ayntraxt" klubidan Evan Obita N'Dika haqida ketmoqda. Bu haqda La Gazette Dello Sport xabar bermoqda.
22 yoshli Kivyor Polsha terma jamoasida 2022 yilning iyunida debyut qilgan. Avvalroq yozda "Spesiya" Yakubni 12 million yevroga sotish taklifini rad etgani haqida xabar berilgandi. Tomonlar o‘rtasidagi kelishuv 2025 yilda yakuniga yetadi. Joriy mavsumda Kivyor Italiya chempionatining sakkizta o‘yinida qatnashib, gol urmagan. Avvalroq Robert Levandovski “Barselona”ga hamyurtini sotib olishni taklif qilgani haqida xabar berilgandi.
23 yoshli N'Dika 2018 yilda "Oser"dan "Ayntraxt"ga o‘tgan edi. Fransiyalik himoyachi joriy mavsumda barcha turnirlarda 12 ta o‘yinda maydonga tushdi. Tomonlar o‘rtasidagi kelishuv mavsum so‘ngida yakuniga yetadi.