"Милан" ва "Ювентус" ҳимоя чизиғини икки футболчи билан мустаҳкамлашдан манфаатдор. Гап "Специя"дан Якуб Кивёр ва Франкфуртнинг "Айнтрахт" клубидан Эван Обита Н'Дика ҳақида кетмоқда. Бу ҳақда La Gazette Dello Sport хабар бермоқда.

22 ёшли Кивёр Польша терма жамоасида 2022 йилнинг июнида дебют қилган. Аввалроқ ёзда "Специя" Якубни 12 миллион еврога сотиш таклифини рад этгани ҳақида хабар берилганди. Томонлар ўртасидаги келишув 2025 йилда якунига етади. Жорий мавсумда Кивёр Италия чемпионатининг саккизта ўйинида қатнашиб, гол урмаган. Аввалроқ Роберт Левандовски “Барселона”га ҳамюртини сотиб олишни таклиф қилгани ҳақида хабар берилганди.

23 ёшли Н'Дика 2018 йилда "Осер"дан "Айнтрахт"га ўтган эди. Франциялик ҳимоячи жорий мавсумда барча турнирларда 12 та ўйинда майдонга тушди. Томонлар ўртасидаги келишув мавсум сўнгида якунига етади.