"Leypsig" yarim himoyachisi Konrad Laymer klub bilan shartnomasini uzaytirishdan bosh tortdi. 25 yoshli avstriyalik futbolchi "buqalar"ning yangi shartnoma bo‘yicha taklifini rad etdi, deb xabar beradi Bild.
Yozda futbolchi "Bavariya" yoki "Liverpul"ga o‘tishi mumkin edi, ammo "Leypsig" futbolchini qo‘yib yuborishni istamadi.
Shuningdek, "Bavariya" Laymer bilan kelasi yozda amalga oshadigan tekin transfer borasida kelishuvga erishgani ham xabar qilingan.
Laymer o‘tgan mavsumda "Leypsig" safida 41 o‘yinda maydonga tushib, 5 gol va 6 golga assistentlik qilgan.
