Dushanba kuni mashhur hujumchi Gonsalo Iguain matbuot anjumani o‘tkazdi. Argentinalik futbolchi "Inter Mayami" bilan MLSdagi joriy mavsum yakunlanganidan so‘ng faoliyatini yakunlashini e’lon qildi.

Jurnalistlar bilan suhbat chog‘ida Iguain ijtimoiy tarmoqlar mavzusiga to‘xtalib o‘tdi.

“Ijtimoiy tarmoqlardagi sharhlar qanchalik zararli ekanligini bilmaysiz. Buning uchun men juda ko‘p azob chekdim, lekin oilam menga yordam berdi.

Shunday ekan, odamlar ijtimoiy tarmoqlarga post joylashtirishdan oldin o‘ylab ko‘rishlari kerak. Bu haqiqatan ham jiddiy mavzu”, - deydi Iguain.

Aytish joizki, omadsiz o‘yinlardan so‘ng futbolchilar ijtimoiy tarmoqlarda ko‘pincha salbiy fikrlarga duch kelishadi. Ba’zan sharhlarda muxlislar ruxsat etilganidan tashqariga chiqishadi.