Душанба куни машҳур ҳужумчи Гонсало Игуаин матбуот анжумани ўтказди. Аргентиналик футболчи "Интер Майами" билан МЛСдаги жорий мавсум якунланганидан сўнг фаолиятини якунлашини эълон қилди.
Журналистлар билан суҳбат чоғида Игуаин ижтимоий тармоқлар мавзусига тўхталиб ўтди.
“Ижтимоий тармоқлардаги шарҳлар қанчалик зарарли эканлигини билмайсиз. Бунинг учун мен жуда кўп азоб чекдим, лекин оилам менга ёрдам берди.
Шундай экан, одамлар ижтимоий тармоқларга пост жойлаштиришдан олдин ўйлаб кўришлари керак. Бу ҳақиқатан ҳам жиддий мавзу”, - дейди Игуаин.
Айтиш жоизки, омадсиз ўйинлардан сўнг футболчилар ижтимоий тармоқларда кўпинча салбий фикрларга дуч келишади. Баъзан шарҳларда мухлислар рухсат этилганидан ташқарига чиқишади.
