"Ayaks" bosh murabbiyi Alfred Shreder Chempionlar ligasi doirasidagi "Napoli"ga qarshi o‘yin oldidan o‘z fikrlari bilan o‘rtoqlashdi.
"Biz “Napoli”ni albatta mag‘lub eta olamiz. Uchrashuvda o‘zini ko‘rsata oladigan yuqori saviyali futbolchilarimiz ko‘p. Mavqe va byudjet bo‘yicha "Liverpul" guruhning yaqqol favoriti, ammo o‘yin borasida "Napoli" ularga yaqin. Bu top-klub. "Napoli" ajoyib jamoaviy futbol namoyish etadi, ko‘p narsalarni birlashtiradi. U yaxshi pressing qiladi, shuning uchun biz to‘p bilan ishonchli harakat qilishimiz kerak. Raqibning ham zaif tomonlari bor, lekin kam. Bu jamoa shu paytgacha birorta ham mag‘lubiyat alamini totib ko‘rmagani bejiz emas", - dedi Shreder UYEFA rasmiy saytiga.