"Аякс" бош мураббийи Альфред Шредер Чемпионлар лигаси доирасидаги "Наполи"га қарши ўйин олдидан ўз фикрлари билан ўртоқлашди.
"Биз “Наполи”ни албатта мағлуб эта оламиз. Учрашувда ўзини кўрсата оладиган юқори савияли футболчиларимиз кўп. Мавқе ва бюджет бўйича "Ливерпуль" гуруҳнинг яққол фаворити, аммо ўйин борасида "Наполи" уларга яқин. Бу топ-клуб. "Наполи" ажойиб жамоавий футбол намойиш этади, кўп нарсаларни бирлаштиради. У яхши прессинг қилади, шунинг учун биз тўп билан ишончли ҳаракат қилишимиз керак. Рақибнинг ҳам заиф томонлари бор, лекин кам. Бу жамоа шу пайтгача бирорта ҳам мағлубият аламини тотиб кўрмагани бежиз эмас", - деди Шредер УЕФА расмий сайтига.