"Lasio" yulduzi Sergey Milinkovich-Savich yaqin vaqt ichida klubini o‘zgartirishi mumkin. Gazzetta dello Sport xabariga ko‘ra, 27 yoshli serbiyalik futbolchining transferiga A Seriyaning top klublari qiziqish bildirmoqda.
Sergey kuchliroq klubdan taklif olish uchun 2022 yilgi Jahon chempionatida o‘zini ko‘rsatishni kutmoqda. Milinkovich-Savich "Lasio" bilan 2024 yilning o‘rtalariga qadar shartnoma imzolagan. Uning transfer narxi 60 million yevroga baholanmoqda.
Italiya chempionatining joriy mavsumida yarim himoyachi sakkizta o‘yinda maydonga tushib, uchta gol va beshta golli uzatmaga mualliflik qilgan.