"Лацио" юлдузи Сергей Милинкович-Савич яқин вақт ичида клубини ўзгартириши мумкин. Gazzetta dello Sport хабарига кўра, 27 ёшли сербиялик футболчининг трансферига А Сериянинг топ клублари қизиқиш билдирмоқда.
Сергей кучлироқ клубдан таклиф олиш учун 2022 йилги Жаҳон чемпионатида ўзини кўрсатишни кутмоқда. Милинкович-Савич "Лацио" билан 2024 йилнинг ўрталарига қадар шартнома имзолаган. Унинг трансфер нархи 60 миллион еврога баҳоланмоқда.
Италия чемпионатининг жорий мавсумида ярим ҳимоячи саккизта ўйинда майдонга тушиб, учта гол ва бешта голли узатмага муаллифлик қилган.