"PSJ" qishda "Inter"dan himoyachi Milan Shkrinyarni 20 million yevro evaziga sotib olmoqchi.

Jurnalist Adriyen Grenyening ijtimoiy tarmoqlarda yozishicha, parijliklar bu summa shartnoma muddati tugashiga 5 oy vaqt qolganida, ya’ni yanvar oyida futbolchini transfer qilish uchun yetarli deb hisoblamoqda.

Eslatib o‘tamiz, yozda "Inter" Shkrinyar uchun 70 million yevro talab qilgandi, garchi futbolchining shartnomasi tugashiga bir yil qolgan bo‘lsa-da. Futbolchining o‘zi ham o‘tishga tayyor edi, ammo "neradzurrilar" kerakli taklifni olmagan va natijada Milan Simone Indzagi jamoasida qolgan.

"Inter" Shkrinyarga yangi shartnoma taklif qilmoqchi, biroq himoyachini maosh shartlari hali qoniqtirmayapti.