"ПСЖ" қишда "Интер"дан ҳимоячи Милан Шкриньярни 20 миллион евро эвазига сотиб олмоқчи.

Журналист Адриен Греньенинг ижтимоий тармоқларда ёзишича, парижликлар бу сумма шартнома муддати тугашига 5 ой вақт қолганида, яъни январь ойида футболчини трансфер қилиш учун етарли деб ҳисобламоқда.

Эслатиб ўтамиз, ёзда "Интер" Шкриньяр учун 70 миллион евро талаб қилганди, гарчи футболчининг шартномаси тугашига бир йил қолган бўлса-да. Футболчининг ўзи ҳам ўтишга тайёр эди, аммо "нерадзуррилар" керакли таклифни олмаган ва натижада Милан Симоне Индзаги жамоасида қолган.

"Интер" Шкриньярга янги шартнома таклиф қилмоқчи, бироқ ҳимоячини маош шартлари ҳали қониқтирмаяпти.