"Arsenal" bir qator futbolchilar, jumladan Bukayo Saka va Gabriel Martinelli bilan shartnomani uzaytirish borasida muzokaralar olib bormoqda. "Budyo-Glimt"ga qarshi Yevropa ligasi o‘yini oldidan o‘tkazilgan matbuot anjumanida "kanonirlar" ustozi Mikel Arteta futbolchilar bilan muzokaralar haqidagi savolga javob berdi.

"Shubhasiz, biz kelajakni rejalashtirishimiz kerak va buning ustida ishlayapmiz. Biz hamma narsani to‘g‘ri qilishga, halol bo‘lishga va "Arsenal"da ajoyib kelajagi bor deb o‘ylagan futbolchilarni rag‘batlantirishga harakat qilamiz. Qachonki e’lon qiladigan narsamiz bo‘lsa, biz buni qilamiz" - dedi Arteta jurnalistlarga.

"Arsenal" hozirda APL turnir jadvalida peshqadamlik qilmoqda.