Madridning “Real” klubi Dortmundning “Borussiya” klubi yarim himoyachisi Jud Bellingem uchun kurashda peshqadamlik qilyapti, deb xabar beradi Football London.

Qayd etilishicha, ispan klubi kurashda “Chelsi”, “Liverpul” va “Bavariya”dan oldinda. "Real Madrid" kelasi yozda "Borussiya"ga 100 million yevro taklif qilishga tayyor.

Bellingem joriy mavsumda Dortmundning “Borussiya” klubi safida barcha turnirlarda 12 ta o‘yinda maydonga tushib, 4 ta gol va 2 ta golli uzatmani amalga oshirdi. Uning klub bilan shartnomasi 2025 yilning 30 iyuniga qadar tuzilgan va transfer narxi 90 million yevroga baholangan.

Bellingem Angliya terma jamoasidagi debyutini 2020 yilning noyabr oyida o‘tkazgan va shu kungacha milliy terma jamoa safida 17 ta o‘yinda maydonga tushgan.