Мадриднинг “Реал” клуби Дортмунднинг “Боруссия” клуби ярим ҳимоячиси Жуд Беллингем учун курашда пешқадамлик қиляпти, деб хабар беради Football London.
Қайд этилишича, испан клуби курашда “Челси”, “Ливерпуль” ва “Бавария”дан олдинда. "Реал Мадрид" келаси ёзда "Боруссия"га 100 миллион евро таклиф қилишга тайёр.
Беллингем жорий мавсумда Дортмунднинг “Боруссия” клуби сафида барча турнирларда 12 та ўйинда майдонга тушиб, 4 та гол ва 2 та голли узатмани амалга оширди. Унинг клуб билан шартномаси 2025 йилнинг 30 июнига қадар тузилган ва трансфер нархи 90 миллион еврога баҳоланган.
Беллингем Англия терма жамоасидаги дебютини 2020 йилнинг ноябрь ойида ўтказган ва шу кунгача миллий терма жамоа сафида 17 та ўйинда майдонга тушган.
