«Barselona»ning sobiq hujumchisi Luis Suares Star+ va Qatar Specials podkastiga kelib, Kataloniya klubida o‘ynash, Messi va Messining hujum tridenti - Suares - Neymar haqida gapirdi.
"Leo mening do‘stim. U mening karyeramda juda katta iz qoldirgan futbolchi. "Barselona"ga kelganimda unga kimningdir o‘rnini egallash uchun emas, g‘alaba qozonish uchun kelganimni aytdim. U buni chin dildan aytganimni tushundi va munosabatlarimiz mustahkamlandi. Bizning triomizdan biri qandaydir maqsadga erishganida doim xursand bo‘lganmiz. Aynan ular (Messi va Neymar) tufayli “Oltin butsa”ni qo‘lga kiritdim. Aytish mumkinki, ular meni bunga majbur qilishdi. Leo sovrinni qo‘lga kiritishim uchun penalti tepishga ruxsat berdi. Men buni juda qadrlayman. Bizda xudbinlik yo‘q edi, uchalamiz ham qanoat qilardik va xursand edik, qolgan jamoalar esa bizdan orqada edi”.
Trio uch yil mobaynida birga bo‘lishdi. 2020 yilning iyul oyida Suaresga uning xizmatlariga muhtoj emasligi aytilgandi.
“Bu og‘riqli edi. Chempionlar ligasida "Bavariya"ga yutqazishimiz (2:8) bizga qattiq zarba berdi. Men mashg‘ulotlarga keldim, meni alohida mashq o‘tkazishimni aytishdi. Menga shunday munosabatda bo‘lishganidan xijolat bo‘ldim. Leoni yolg‘iz qoldirishni, bizni ajratishni istashlari meni ham ranjitdi. Bunga bizning aloqamiz yo‘q edi, klubning ishlari tartibsiz edi. «Barselona»da o‘tkazgan yillarimda bir mavsumda 25tadan kam gol urmadim. Biz og‘ir damlarni ham birga o‘tkazdik, Leo ruxiy jihatdan qiynaldi, lekin men uning «Barselona»dan ketiish haqida o‘ylaganini eshitmaganman"
Messi – Suares – Neymardan iborat hujum triosi futbol tarixidagi eng sermahsul uchligi hisoblanadi. Va ularning rekordini takrorlash juda qiyin bo‘ladi.
