Superliga 21-turidan o‘rin olgan “Olimpik” – “Neftchi” (1:1) bahsidan so‘ng mehmonlar murabbiyi Vitaliy Levchenko jamoasining bugungi kundagi o‘rni, raqibning kuchli jihatlari va o‘yinga tanlangan taktika haqida fikr bildirdi.

“Raqib kuchli jamoa va taktikani ularning o‘yin uslubiga qarab tanlagan edik. Ikkinchi bo‘limda ko‘proq himoyaviy taktikada o‘ynadik va natijani ijobiy baholayman”, - dedi Levchenko.

“Neftchi” – o‘z qadriyatlariga ega klub hisoblanadi. Jamoa turnir jadvalida o‘ziga yarashmaydigan o‘rinda borayotgan edi va bu holatdan yaxshiyam chiqib ketishga erishdik. Futbolchilar buni bilishar edi va o‘zlarida kuch topib vaziyatni o‘nglashga intilishgani uchun ularga rahmat”.

“Olimpik” juda kuchli va mahoratli jamoa. Ularga maydonda bo‘sh hudud qoldirib bo‘lmaydi. Shu bois, ikkinchi taymda himoyaviy taktika tanlashga majbur bo‘ldik. Ularning vaziyatlarini minimumga tushirishga harakat qildik va buning uddasidan chiqdik”.