Superliga 21-turidan o‘rin olgan “Qo‘qon-1912” – “Lokomotiv” (0:0) bahsidan so‘ng mezbonlar bosh murabbiyi Davron Fayziyev jamoasi vaziyatlarni golga aylantira olmayotganidan biroz taajjubda ekanini aytdi.
“Shuncha vaziyatlar, hatto darvozabonni aldab o‘tib ham gol ura olmaslik, bilmayman. Bularni qanday izohlash mumkin, tushunmayapman”, - dedi Fayziyev.
“Ikkinchi davrada oltita durang. Agar, barcha golli vaziyatlarimizdan foydalana olganimizda hozir bunday qiyin vaziyatga tushmagan bo‘lar edik. Futbolchilarni ayblay olmayman, murabbiy sifatida bunga haqqim yo‘q”.
“Rahbariyat bugungi vaziyatda natijalarimizni sarhisob qilib qandaydir qaror qabul qilsa, bunga tayyorman”.
