Суперлига 21-туридан ўрин олган “Қўқон-1912” – “Локомотив” (0:0) баҳсидан сўнг мезбонлар бош мураббийи Даврон Файзиев жамоаси вазиятларни голга айлантира олмаётганидан бироз таажжубда эканини айтди.

“Шунча вазиятлар, ҳатто дарвозабонни алдаб ўтиб ҳам гол ура олмаслик, билмайман. Буларни қандай изоҳлаш мумкин, тушунмаяпман”, - деди Файзиев.
“Иккинчи даврада олтита дуранг.  Агар, барча голли вазиятларимиздан фойдалана олганимизда ҳозир бундай қийин вазиятга тушмаган бўлар эдик. Футболчиларни айблай олмайман, мураббий сифатида бунга ҳаққим йўқ”.

“Раҳбарият бугунги вазиятда натижаларимизни сарҳисоб қилиб қандайдир қарор қабул қилса, бунга тайёрман”.