Qirg‘izistonning O‘sh shahrida boks bo‘yicha aka-uka Abduvali va Nurgazi Arziyevlar xotirasiga bag‘ishlangan xalqaro turnir o‘z nihoyasiga yetib bormoqda.
Hozircha musobaqaning yarim final bellashuvlari ortda qoldi. Bugun o‘tkaziladigan final bahslarida besh nafar hamyurtimiz ringga ko‘tariladi. Kun davomida Davlatbek A’zamov, Asadxo‘ja Mo‘ydinxo‘jayev, Begali Qirg‘izboyev, Samandar Jalolov va Rahimjon Qahramonov kabi bokschilarimiz oltin medal uchun ringga ko‘tariladilar.
Ayubxon Baxtiyorov, Bekzodbek Xoldarov, Sardorbek G‘aniyev, Elyor Jo‘raboyev kabi bokschilarimiz musobaqani bronza medali bilan tugatishdi.
