O‘tgan omadsiz mavsumdan so‘ng, Londonniing "Arsenal" klubi ajoyib transfer siyosatini olib bordi, 132 million yevrodan ortiq mablag‘ sarfladi va bir zumda Premyer-ligada eng yuqori pog‘onasiga ko‘tarildi. Jamoa anchadan beri bunday ajoyib start qayd etmagan edi! Quyida esa "kanonirlar"ning yaxshi boshlagan mavsumlari haqida gap ketadi.
Mavsum-2001/2002
Arsen Vengerning «Arsenal»dagi davri ingliz futbolidagi eng esda qolarli davrlardan biridir. Ushbu asrning boshida uning jamoasi Premyer-ligada g‘alaba qozondi, ammo turnirning ikkinchi yarmini ajoyib o‘tkazish tufayli natijaga erishildi. Dastlabki 9 turda londonliklar «Lids»ga imkoniyatni boy berib, «Bolton» va «Chelsi» bilan durang o‘ynagan edi.
Mavsum-2002/2003
Keyingi yili futbolchilar o‘z natijalarini yaxshiladilar va 9-turga qadar ular mag‘lubiyatga uchramadi - «Chelsi» va "Vest Xem" bilan atigi ikkita durang. «Arsenal» turnir jadvalining yetakchisi edi o‘sha paytlar.
Mavsum-2003/2004
2003 yilda chempionlikni saqlab qolishning iloji bo‘lmadi, ammo 2004 yilda unvon qo‘lga kiritildi. Bu mavsum klub tarixidagi eng zo‘r mavsum bo‘ldi: butun mavsumda birorta ham mag‘lub bo‘lmagan!
Mavsum-2004/2005
Keyingi mavsum boshlanishi ham yaxshi bo‘ldi: to‘qqiz turda Bolton bilan bitta durang. 11-turga qadar «Arsenal» peshqadamlikni saqlab qoldi, ammo yakunda chempionlikni qo‘ldan boy berdi.
Mavsum-2007/2008
Bir yil o‘tib, Venger jamoasi yana top-3lik uchun kurash olib bordi. 15 turda futbolchilar «Blekbern», «Liverpul», “Manchester Yunayted” va «Nyukasl» bilan to‘rtta o‘yinda atigi sakkiz ochko yo‘qotishdi.
Mavsum-2009/2010
Manchester jamoalari dastlabki to‘qqizta turda «Arsenal»dan ikki marta ochko olishgan. «Siti» londonliklarni 4:2 hisobida mag‘lub etdi va «Yunayted» raqiblarini 2:0 hisobida yengan.
Mavsum-2013/2014
Oradan bir necha yil o‘tib London klubi Premyer-ligada yana yaxshi o‘yin ko‘rsatdi, 10 turda faqat "Aston Villa"ga yutqazdi va "Vest Bromvich" bilan o‘yinda g‘olib aniqlanmadi. Qolaversa, o‘sha mavsumda Angliya kubogidagi "kononirlar" zafar quchgan.
Mavsum-2016/2017
Vengerning «Arsenal»dagi oxirgi mavsumi ham Angliya kubogi g‘alabasi bilan yakunlandi. Milliy turnirda jamoa yaxshi boshlagan bo‘lsada, beshinchi o‘rinni qo‘lga kiritdi.
Mavsum-2018/2019
Unai Emerining ingliz klubidagi starti yomon bo‘lmadi: 9 turda londonliklar faqat «Manchester Siti» va «Chelsi»ga mag‘lub bo‘lishdi. «Arsenal» hattoki Yevropa Ligasi finaliga qadar yetib bordi, biroq u yerda Maurisio Sarri boshchiligidani "Chelsi"ga yutqazdi. Premyer-ligada esa Chempionlar ligasiga chiqa olmay, beshinchi o‘rinni egalladi.
Mavsum-2022/2023
Endi esa omad yana «Arsenal» tomonda bo‘lmoqda. Mikel Arteta Gabi Jezus va Oleksandr Zinchenkoni qo‘lga kiritib, ajoyib jamoa tuzdi va bir qator muvaffaqiyatli taktik tajribalarni boshladi. Natijada, to‘qqiz tur davomida uning shogirdlari safarda faqat “Manchester Yunayted”ga imkoniyatni boy berishdi.
