Chempionlar ligasi guruh bosqichi 4-tur uchrashuvida “Shaxtyor” "Real Madrid" bilan 1:1 hisobida durang o‘ynadi. O‘yindan so‘ng Ukraina jamoasi bosh murabbiyi Igor Yovichevich bahs natijasi haqida fikr bildirdi.

“Men jamoa bilan faxrlanaman. Gol o‘tkazib yuborildimi? Ba’zan bu oxirgi soniyalarda sodir bo‘ladi. Biz buni qabul qilishimiz kerak. “Shaxtyor” dunyoning eng kuchli klublaridan biriga qarshi maydonga tushganini unutmasligimiz kerak.

Biz Madridga qaraganda ancha yaxshi o‘yin ko‘rsatdik. Bizda hatto ikkinchi gol urish uchun ham imkoniyat bor edi, biroq Traore o‘z imkoniyatidan foydalana olmadi", - deya murabbiyning so‘zlarini keltiradi UEFA matbuot xizmati.

To‘rt turdan keyin “Shaxtyor” besh ochko bilan o‘z guruhida uchinchi o‘rinni egallab turibdi.