"Inter" hujumchisi Lautaro Martines Chempionlar ligasi 4-turi doirasidagi "Barselona"ga qarshi o‘yin oldidan o‘tkazilgan matbuot anjumanida bir qator savollarga javob berdi.
Jumladan, argentinalik hujumchidan bir necha yil avval “Barselona”ga o‘tish ehtimoli va hozirgi o‘yin formasi haqida so‘ralgan.
“Men jamoadoshlarimga yordam berish va har kuni yaxshilanish uchun ishlayman. “Inter” ramzi ekanligimdan juda faxrlanaman. "Barselona" bilan muzokaralardan beri ko‘p yillar o‘tdi, hozir men "Inter"daman va bu jamoa uchun borimni beraman.
“Barselona”da mahorat borligini bilamiz, ammo bu yerda durang natijadan xursand bo‘lmaymiz.
Mening golsiz seriyam? Men xotirjamman, jamoa uchun ishlayman. Har bir hujumchida shunday davrlar bo‘ladi va gollar siz kutmagan vaqtda keladi", - deya Martinesning so‘zlarini keltiradi Inter News.
