"Barselona" uchun qimmatga tushgan transferlar.
Madridning “Atletiko” klubi dushanba kuni kataloniyaliklardan 31 yoshli Antuan Grizmanni 18 + 6 million funtga sotib oldi va u bilan 2026 yilning yoziga qadar shartnoma imzoladi.
Ma’lum bo‘lishicha, agar "Atletiko" keyinchalik Grizmanni sotsa, yana 40 million yevrodan ko‘p bo‘lmagan summa "Barselona" hisobiga o‘tkaziladi.
O‘tgan yozdan beri Antuan "Atletiko Madrid"da ijara asosida o‘ynamoqda. Bu mavsumda klub uni mavsum oxirida 40 million yevroga “Barselona”dan sotib olmaslik uchun deyarli asosiy tarkibda maydonga tushirmadi.
Filippe Koutinyo 2018 yilning yanvarida "Liverpul"dan 108 million funt evaziga "Barselona"ga ko‘chib o‘tdi va Grizmann kabi 18 million funt evaziga "Aston Villa"ga sotildi. Ispan klubi uchun braziliyalik yarim himoyachi 106 o‘yinda maydonga tushib, 25 gol va golli uzatmani amalga oshirdi.
Grizmanni qayta sotishda "Barsa" 102 million funt yo‘qotdi, Koutinyo sotuvidan esa kataloniyaliklar 90 million funt sterlingni "havoga uchirishdi".
