Madridning "Real" klubi kelajakda Karim Benzemaning o‘rnini bosadigan yangi hujumchi qidirmoqda. Dekabr oyida fransiyalik hujumchi 35 yoshga to‘ladi.
Calciomercato nashri xabariga ko‘ra, "qirollik klubi" Italiya chempionatidan munosib o‘yinchi topdi. La Liga chempioni rahbariyati argentinalik hujumchi Lautaro Martines bilan shartnoma imzolashdan manfaatdor.
Lautaro "neradzurrilar" bilan 2026 yilning yoziga qadar shartnoma imzolagan. Transfermarkt portali uning narxini 75 million yevroga baholamoqda, ammo "Inter" o‘z yulduzi uchun ko‘proq tovon talab qilishi mumkin.
25 yoshli futbolchi joriy mavsum A Seriyaning 9 ta o‘yinida 3 ta gol urdi va bitta golli uzatmani amalga oshirdi.
